Հայաստանի աշխարհագրական դիրքը

Հայաստանի Հանրապետությունը գտնվում է Անդրկովկասում, Հայկական լեռնաշխարհի հյուսիս-արևմուտքի մի փոքր հատվածում: Սահմանակից է Վրաստանին, Ադրբեջանին, Իրանին ու Թուրքիային:
Ասիայում գտնվելով հանդերձ, Հայաստանը մշակութային ու քաղաքական սերտ կապեր ունի Եվրոպայի հետ, քանի որ գտնվում է Եվրոպան ու Ասիան միացնող ուղիների խաչմերուկում:
Հայաստանի ռելիեֆը լեռնային է՝ արագահոս գետերով, քաղցրահամ բնական աղբյուրներով, փոքրաթիվ անտառներով ու ալպիական մարգագետիններով: Ռելիեֆի բարդ կառուցվածքը բնորոշ է այժմյան Հայաստանի ողջ տարածքին, ինչը առանձնահատուկ գրավչություն է տալիս Հայաստանի բնապատկերին: Կատակով ասում են՝ անցնելով Հայաստանի հյուսիսից հարավ ընդամենը 600կմ, կարելի է «հանդիպել» տարվա բոլոր եղանակներին:
Այժմյան Հայաստանի Հանրապետությունը զբաղեցնում է 29.74 հազ. քմ տարածք, որը պատմական Հայաստանի մեկ տասներորդ մասն է: Ծովի մակարդակից միջին բարձրությունը 1800 մետր է, ամենաբարձր կետը Արագած լեռան գագաթն է՝ ծովի մակարդակից 4095 մետր բարձրության վրա, իսկ ամենացածր կետը Դեբեդ լեռան կիրճն է՝ ծովի մակարդակից 360կմ բարձրության վրա:

Բարձր գագաթները
Արագած – 4090մ
Կապուտջուղ – 3906մ
Աժդահակ – 3598մ
Սպիտակասար – 3555մ
Վարդենիս – 3522մ

Խոշոր գետերը
Արաքս – Հայաստանի տարածքում՝ 158 կմ
Ախուրյան – Հայաստանի տարածքում՝ 186 կմ
Որոտան – Հայաստանի տարածքում՝ 119 կմ
Դեբեդ – Հայաստանի տարածքում՝ 152 կմ
Հրազդան – Հայաստանի տարածքում՝ 141 կմ
Աղստև – Հայաստանի տարածքում՝ 99կմ

Խոշոր լճերը
Սևանա լիճ – մակերեսը՝ 1239 քմ/կմ
Արփա լիճ – մակերեսը՝ 22 քմ/կմ
Ակնա լիճ – մակերեսը՝ 0.53 քմ/կմ
Սև լիճ – մակերեսը՝ 2.0 քմ/կմ

Copyright © 2015 
Продвижение - IT Manager LLC

Design by W3layouts